Bahan PJJ GBKP 27 Nopember – 03 Desember 2016

Sermon Bahan PJJ 27 Nopember – 03 Desember 2016

Tema  : Dame i Doni Man Manusia Si Ngena AteNa

Nats    : Lukas 2:8-15

I.                   Penjelasan Teks

Kitab Lukas merupaken Injil ketiga ibas Padan Si Mbaru. Menurut tradisi, penulis kitab enda merupaken orang yang sama ras penulis kitab Perbahanen Rasul-rasul. Lit piga-piga tema utama ibas kitab Lukas enda: a) Keselamatan bagi semua manusia; b) belas kasih dan pengampunan; c) kegembiraan; d) perjalanan, e) pemenuhan nubuat, f) kenaikan.

Kelahiran sekalak raja tapi dem alu kesederhanaan i pebetehken pertama man kalak musil. Permakan umumna musil ras tersisihken, ipandang sebage “orang tak terhormat” si biasana i abaikan. Kaum tersisih enda si pemena ngaloken berita gembira ibas malekat nari (ay. 9). Alu kebiaren permakan-permakan enda jumpa ia ras malekat Tuhan. Tapi ibas enda, ngerana malekat Tuhan enda segelah ola mbiar, sebap kerehen malekat enda maba Berita Si Meriah, si mereken keriahen si mbelin man kerina manusia (ay. 10).   Ras arah permakan-permakan enda me berita kerna ketubuhen Yesus (Mesias) tersebar ku kerina bangsa.

Ibereken tanda ibas malekat nari man permakan-permakan maka idapetina kari anak-anak ibaluti alu uis, medem ibas pelangkah (ay. 12). Bagepe secara langsung idah permakan-permakan enda kemulian Dibata sebab idahna nterem malekat Tuhan rende muji Dibata; pujin man Dibata i Surga ras dame i doni man manusia (ay. 13-14). Maka lawes permakan-permakan enda ku Betlehem (ay.15).  

II.                Aplikasi ras Refleksi

Piga-piga hal si banci jadi aplikasi ras refleksi ibas kegeluhenta, eme:

1. Berita kerna kerehen Mesias pemena ipebetehken man permakan-permakan. Permakan si umumna ipandang sabage kalak si la terhormat, musil, tersisihken, rendah, la meteh peraturen, rsd, tapi permakan-permakan enda jadi saksi kerna berita kerehen Mesias. Merekalah yang dibuat Tuhan menjadi saksi pertama dari Kristus. Ertina, berita kerna Yesus Kristus/ Mesias pe enggo seh man banta manusia si dem alu dosa ras kelemahen. Kita arus jadi saksi-saksi Kristus.

2. Yesus Kristus adalah juruselamat manusia. Enda jadi keriahen man kerina manusia sebab nggo tubuh Mesias ku doni enda si jadi juruselamat manusia. Luther pernah mengatakan bahwa Yesus lahir “untuk kita manusia dan untuk keselamatan kita”. Kita manusia diajak untuk mengaminkan secara pribadi berita Natal ini, Dia yang lahir itu adalah lahir bagi kita.

3. Malekat rende muji Dibata. Arah kerehen Yesus Kristus i doni enda jadi sada kemulian Dibata ras maba kedamen man manusia. Man kita anak-anak Dibata, berita ketubuhen Yesus ras Natal jadi sada kemulian Dibata, maka mari si puji Dibata. Mari si puji Ia arah ende-enden ras terkhususna arah kegeluhenta. Jadikan hidup kita adalah pujian bagi Tuhan. Ras jadi sada kepastin bas kita manusia, maka Yesus Kristus reh ku doni enda maba kedamen i doni, maba kedamen man manusia si ngena ateNa. Ia juruselamat manusia. Terkhusus pe, selaku kita anak-anak Dibata, “dame” ibas kita maba hubungen si utuh man Dibata ras kiniersadan sapih-sapih kita manusia.

Terpuji Dibata, dame i doni man manusia.

Cl. Pdt. Chrisnov Mulyanta Tarigan Sibero

GBKP Rg. Pancur Batu -  Klasis Pancur Batu

Bahan Khotbah Minggu GBKP 16 Oktober 2016 (Tetaplah Erberita)

Bahan Sermon Khotbah Minggu 16 Oktober 2016

Invocatio : Masmur 40:10

O TUHAN , i bas perpulungen bangsandu kumomoken, berita si mehuli kerna keselamaten si iberekenNdu. IetehNdu kap e TUHAN , maka la pernah aku ngadi ngerana kerna si e.

Ogen : Masmur 34:1-15; Khotbah : Roma 15:15-21

Tema : Tetaplah Erberita

I.                   Kata Perlebe

Kerna “erberita” labo istilah asing, tema sicukup umum situhuna ibas kita kalak Kristen. Bahkan, kerina kalak Kristen meteh isi Matius 28: 18-20, sirusur jadi ayat utama guna erberita/ PI. Erberita/ Meritaken Berita Si Meriah, secara tataran teoritis pasti jelas ibas kita, tapi kuga secara praktis? Terus nge e jadi pelayanan si berkesinambungan ibas pelayananta?

II.                Penjelasan Teks

Masmur 34:1-15 eme enden-enden pujin Daud kerna keselamatan siibereken Dibata nandangi dirina ibas ngenanami kiniseran.  Ija Daud kiam ku daerah Filistin, kota Gat erkiteken Raja Saul. Daud berlindung ku Akhis bin Maokh si erkuasa i Gat. Tapi enterem raja-raja kalak Filistin merawa erkiteken ije lit Daud. Emaka ipelawes raja-raja kalak Filistin Daud. (lih. 1 Samuel 29:1-11). Isi Masmur 34:1-15 paralel ras 1 Samuel 27-29, enda saling melengkapi.

Arah Masmur 34:1-15, teridah jenda maka Dibata ngenca man pujin sabap perbahanenNa si mbelin. Ijenda pe tuhu-tuhu ingejapken pemasmur kuasa Dibata si mbelin e, emaka ipermuliakenna gelar Dibata ras tetap ngataken bujur man Dibata. Bagepe jelas, maka ibas Masmur 34: 4 ras invocatio Masmur 40:10, perlu siberitaken kerna kuasa, kemulian ras keselamaten si ibereken Dibata.

Ibas Roma 15:15-21, si idah maka seh kel pentingna meritaken kerna Berita Si Meriah. Paulus alu tangkas ngatakenca maka sura-surana si mbelinna e me meritaken Berita Si Meriah ku ingan i ja lenga pernah ibegi kalak kerna gelar Kristus (ay. 20). Enda me tetap jadi motivasi utama Rasul Paulus. Sebab arah meritaken Berita Si Meriah banci mabai kalak si lenga nandai Dibata jadi erkemalangen man baNa. Tapi la terjeng arah kata tapi juga arah perbahanen (ay.18).

   

III.             Aplikasi

1.    Arus sisadari maka kita kalak Kristen eme perberita, meritaken Berita Si Meriah emekap tanggungjabab sipenting. Karya keselamatan Dibata arah Yesus Kristus jadi topik pemberitaan kita. Ras arus si inget maka ibas kita meritaken, labo terjeng arah kata, tapi juga arah perbahanen. Ibas Masmur 34: 14-15, jelas maka perbahanen eme jadi contoh penting ibas kegeluhen. Bagepe Rasul Paulus, ibas meritaken Berita Si Meriah, alu sadar maka kata ras perbahanen arus sendalanen (ay.18).

2.    Kelemahan kita sidekah enda salah sadana eme kurang ibas ngejapken karya keselamatan ras kuasa Dibata. Teringat istilah: bagaimana mungkin kita memberitkan karya keselamatan Tuhan, bila kita sendiri secara sadar masih kurang yakin akan karya keselamatan Tuhan itu sendiri. Jadi, penting kesadaran akan karya keselamatan arah Dibata ibas kegeluhenta, maka ngasup kita secara konsisten/ terus-menerus meritaken berita e. Pemasmur tuhu-tuhu ngejapken kuasa ras karya kesalamatan si rehna ibas Dibata nari.

3.    Arah Minggu zending enda, teridah buah karya penginjil si enggo meritaken Berita Si Meriah, ras berita e pe seh ku kalak Karo; tugasta genduari ngelanjutkenca. Meritaken Berita Si Meriah arus silakoken, amin gia melala hambatan ras tantangen, labo e sierbahanca maka lanai kita erberita.

4.     Ungkapan William Carey : every christian should live life with an open bible and an open map. Setiap umat Kristen (orang percaya)  harus menjalani hidup dengan Alkitab dan peta yang terbuka.

Cl. Pdt. Chrisnov Mulyanta Tarigan Sibero