Bahan Pekan Kebaktin Penatalayanen GBKP 2017 Wari IV

Bahan Pekan Kebaktin Penatalayanen GBKP 2017 Wari IV

Invocatio         : Kej. 7:1

Ogen               : Kej. 19:12-22

Renungen        : Msm. 128:1-6

Tema               :  Aron Dibata si Muat Bagin I bas Jabu ras Sangkep Nggeluh

Kalak si erkemalangan man Tuhan, kegeluhenna jadi sira ras terang, erguna man sekelewetna. Subuk ibas jelma sinterem, keluarga ras sangkep nggeluh. Arah si e, labo ia saja si muat bagin ibas dahin Tuhan, tapi dungna keluarga ras sangkep nggeluhna pe ikut muat bagin ibas dahin Tuhan.

Penting ibas kegeluhenta, subuk dirinta, keluarga ras sangkep nggeluhta; ersada arih, ersada semangatna, ras ersada motivasina eme muat bagin ibas dahin Tuhan, jadi aron Dibata. Emaka lit kerjasama si mehuli salaku kita aron Dibata. Adi kerina muat bagin ras lit kerjasama si mehuli pasti pelayanan ras dahin Dibata e banci alu maksimal si dalanken.

Nuah ras Lut tuhu-tuhu penting akapna kerna kiniteken sekalak-sekalak anggota jabuna (Kej. 7:1; 19:12-22). Peranna selaku imam ibas jabu i maksimalkenna. Ibas cerita Lut, calon kelana pe ipersingetina alu mesangat. Enda bukti, tuhu-tuhu penting jabu ras sangkep nggeluh. Mari simaksimalken peranta selaku anggota jabu (Mamre jadi imam si ertanggungjawab, Moria bagi Kuan-kuanen 31, PERMATA/ KAKR: igetna pedah pe-lima-ken).

Ibas Masmur 128:1-6 e pe tetep ipersingetina kita gelah jadi kalak si malang man Tuhan. Masing-masing anggota jabu, ingetna penting erkemalangan man Tuhan. Maka, adi masing-masing kita jadi kalak sierkemalangan man Tuhan pasti jabu ras sangkep nggeluhta jadi anggur si meramis ras tunas batang saitun; jadi sira ras terang si tetap muat bagin ersada jadi aron Dibata. Amin…

Cl. Pdt. Chrisnov Mulyanta Tarigan Sibero

GBKP Rg. Pancur Batu

0853-6233-4448

Bahan Pekan Kebaktin Penatalayanen GBKP 2017 Wari III

Bahan Pekan Kebaktin Penatalayanen GBKP 2017 Wari III

Invocatio         : Msm. 111:10

Ogen               : Joh. 3:1-10

Renungen        : Lukas 19:1-10

Tema               : Aron Dibata si Nggit ras Tutus Erlajar Mandiri

Kininggiten ras tutus guna erlajar seh kel pentingna ibas kegeluhenta enda. Arah erlajar banci sitingkatken kualitas kegeluhenta, arah erlajar banci si maknai geluh enda alu payo ras arah erlajar banci mpelimbarui kegeluhenta tep-tep warina ku arah si mehuli; bagem pentingna erlajar, alu sie penting tetap mpeturah kininggitenta ras ketutusenta guna erlajar segedang-gedang geluhta.

Lit piga-piga hal si penting ibas bahan pekan penatalayanen wari III enda:

1.      Guna ndatken kepentaren, si pertama arus erkemalangan man Dibata (Msm. 111:10), Dibata sumbul kepentaren, Dibata si mereken pemeteh si mehuli.

2.      Kalak si erkemalangen man Dibata penting ibas ia pengajaran ras kata Dibata (Mari si oge Kuan-Kuanen 8:1-36 guna jadi perunengenta). Alu sie, Erlajar sada bagin ibas kegeluhen kalak si erkemalangan man Dibata.

3.      Ibas erlajar segedang geluh, iperluken konsistensi: tetap peturah kininggitenta ras ketutusenta guna erlajar; melala cara guna banci erlajar alu mandiri, cth: ngoge ras diskusi. Mari si usih Nikodemus, tetap nggit erlajar; la jadi alasen ibas ia statusna sekalak guru bangsa Israel e, dalan-dalanna lanai ia erlajar.

4.      Sakeus sekalak kepala pengalo cuke, lit kerincuhenna guna jumpa ras Tuhan Yesus. Arah perjumpanna ras Tuhan Yesus si kesilang i rumahna, i bahanna sada komitmen ras perubahen ibas kegeluhenna ras alokenna keselamatan (ay. 8-10). Penting hasil nyata ibas kita erlajar, lit perubahan ku arah si mehuli, komitmen guna dalanken sura-sura ras perentah Dibata, ras mereken dampak si positif man sekelewetta.

Cl. Pdt. Chrisnov Mulyanta Tarigan Sibero

GBKP Rg. Pancur Batu

0853-6233-4448

Bahan Pekan Kebaktin Penatalayanen GBKP 2017 Wari II

Bahan Pekan Kebaktin Penatalayanen GBKP 2017 Wari II

Invocatio         : Matius 7:17

Ogen               : 2 Raja-raja 4:8-17

Renungen        : Matius 7:21-23

Tema          : Nandai Dibata, Ndalanken Sura-SuraNa (Berteologi: Mengajar Untuk Melakukan)

I.                   Penjelasan Teks

Arah bahan Pekan Penatalayanen Wari I, kita ipersingeti maka alu pengenalan akan Tuhan (Nandai Dibata) alu benar mereken pusuh si ersuruh, ergiah-giah ras lit bas kita ketedehen guna muat bagin ibas dahin Dibata. Ibas bahan Pekan Penatalayen Wari II enda, kita i ajuk guna tetap fokus ras konsisten ndalanken sura-sura Dibata.

Ungkapan : Guru yang baik adalah guru yang mengajarkan sesuatu yang baik yang sudah lebih dahulu dilakukannya, alu ungkapan enda kita ipersengeti segelah kai pe si ajarkan kita tuhu-tuhu erkiteken lebe nggo silakoken. Mari siinget sada perentah Tuhan Yesus man ajar-ajar ibas Matius 28:18-20 ras sigaris bawahi kata “janah ajari ia…”. Bagepe pentingna ndalanken sura-sura Dibata banci siidah ibas Matius 7:21-23: kalak si ngelakoken rikutken si ngena ate bapangKu i Surga.. Ibas Matius 7:21-23 siidah hubungen kata dan tindakan. La bias mbelasken “Tuhan, Tuhan…” tapi arus pe ngelakoken rikutken si ngena ate Tuhan (ay 21). Pengeranan ras perbahanen la banci terpisahken, tapi ibas si e, si pentingna emekap perbahanen (lih. 22-23).

Cerita Elisa ras diberu  i Sunem ngingetken kita maka arus lit hubungen si dem alu kekelengen ras sisampet-sampaten sapih-sapih kita manusia. Teridah ije, kuga keluarga diberu i Sunem nampati Elisa alu ngalo-ngalo Elisa alu sikap ras ngaturken sada bilik man Elisa (ay. 10). Bagepe Elisa alu kuasa si rehna ibas Dibata nari nampati keluarga enda si lenga datken pupus dilaki (ay. 14-17).

II.                Refleksi

Batang si mehuli tentu mehuli nge buahna, tapi batang si la mehuli tentu pe la mehuli buahna. Ungkapan si cukup populer amin gia sedikit keras: Kalau sampah yang masuk, pasti sampah juga yang keluar, jadi sada perenungen bas kita. Adi ngaku kita maka kita anak-anak Dibata, pasti si ikutken ras si dalanken kerina sura-sura ras perentah-perentahNa.

Arah si dalanken sura-sura Dibata ibas kegeluhenta, enda jadi sada media guna mengajar untuk melakukan. Sebab, bagi anak-anak, mereka melakukan apa yang mereka lihat, adi si dalanken sura-sura Dibata enda jadi sada kesaksin si nggeluh.

Sura-sura Dibata si utamana emekap gelah kerina manusia datken keselamaten. Segelah arah keselamaten sibereken Dibata, mereken kegeluhen si mbaru (keberadaan yang baru) alu si e, nggeluhta pe dem alu kekelengen ras dame. Jadi, dalanken sura-sura Dibata labo guna datken keselamaten, tapi erkiteken kita enggo iselamatken.

Belajar sebelum mengajar, jangan mengajar tanpa belajar.

Perbuatan adalah perkataan tanpa suara.

Cl. Pdt. Chrisnov Mulyanta Tarigan Sibero

GBKP Rg. Pancur Batu

0853-6233-4448

Bahan Pekan Kebaktin Penatalayanen GBKP 2017 Wari I

Bahan Pekan Kebaktin Penatalayanen GBKP 2017 Wari I

Invocatio         : 2 Korinti 8:4

Ogen               : Ulangen 29:10-15

Renungen        : Matius 28:20, II Korinti 8:1-15

Tema           : Nandai Dibata Muat Bagin I Bas DahinNa (Berteologi: Belajar Untuk Melakukan)

I.                   Penjelasan Teks

Ibas tahun 2017 enda, si jadi tema gerejata eme: “Meningkatkan Kemampuan Warga GBKP dalam Kehidupan Berteologi dan Menumbuhkan Motivasi Belajar Secara Mandiri (Self Learning)”. Ras tema umum Pekan Penatalayen GBKP 2017 emekap: Nandai Dibata Muat Bagin I Bas DahinNa (Berteologi: Belajar Untuk Melakukan).

Piga-piga hal sipenting ibas bahan pekan penatalayanen wari I:

1.      Pentingnya pengenalan akan Tuhan (Nandai Dibata) alu benar.

2.      Arah penandaita nandangi Dibata si dat kai sura-sura Dibata ibas kegeluhenta, meteh kai singena ate Tuhan ras si la ngena ate Tuhan.

3.      Pengenalan akan Tuhan menghasilkan kesadaran baru, eme: kesadaran guna muat bagin i bas dahin Dibata ras enda merupaken sada tanggungjabab si mbelin. Enda sada hal si jadi sura-sura Dibata ibas kegeluhenta kalak sierkiniteken. (bdk. Mat. 28:20 & Ul. 29:10-15)

4.      Alu penandai Dibata alu payo ras benar mpeturah pusuh si ersuruh, ergiah-giah ras ketedehen guna ndalanken pelayanan, kekelengen ras dahin Dibata.

Nats II Korinti 8:1-15 eme persinget siibereken Paulus man Perpulugen i Korintus gelah nggit nampati dahin pelayanen i Judea. Kalak Korintus memang tipe jelmana susah untuk berbagi. Ibas 1 Korinti 11: 21, salah sada keadaan ija perpulungen Korinti si maba melala pangan merudu kel ia mangani panganna, seh maka lit ka perpulungen sideban enggo lumben bage pe lit ka si mabuk erkiteken besurna. Emaka ibas suratna enda Paulus memperhadapken Perpulungen i Korinti ras Perpulugen i Makedoni, sangat berbanding terbalik kel keadaan dua perpulungen enda. Teladan Jesus cukup mereken asas: si kaya wajib menolong si miskin. Jesus e bayak, ndatken bagin kemuliaan BapaNa, ipemusilNa bana, gelah arah kemusilenNa jadi bayak kita. Ipersingeti Paulus ka mulihi peristiwa i padang gurun nandangi bangsa Israel, eme kerna penimbunen pangan. Penimbunen e la menguntungken, tapi kesederhanaan terbukti mencukupi (ay. 15; lih. Kel. 16:18). Alu si e, i ajuk Rasul Paulus arah Titus gelah perpulungen i Korinti pe muat bagin ibas dahin Tuhan, dahin kekelengen, ras alu ukur ersuruh guna nampati.

II.                Refleksi

Adi sitandai Dibata alu payo ras benar, sekalu anak-anak Dibata pasti si dat kai si jadi sura-sura Dibata ibas kegeluhenta. Pasti si dat, kai si jadi tanggungjababta selaku kalak sierkiniteken. Ras tek kami, arah penandai Dibata alu benar mpeturah pusuh si ersuruh, ergiah-giah ras ketedehen guna muat bagin i bas dahin Dibata. Nggo ge si tandai Dibata alu benar? Ras nggo ge kita muat bagin ibas dahin Dibata?. Mari, tetap kita erlajar ibas dahin Dibata.

Salah satu bukti Iman adalah selalu belajar dan berusaha melakukan yang diinginkan Tuhan

Cl. Pdt. Chrisnov Mulyanta Tarigan Sibero

GBKP Rg. Pancur Batu

0853-6233-4448