Bahan PJJ GBKP 05-11 Maret 2017
Kesangapen Sekalak Diberu
(Hakim-Hakim 4:4-10)
1.
Debora ibas cakap Heber ertina: lebah/ tawon. Ia sekalak Nabi ras Hakim i tengah-tengah bangsa
Israel. Debora merupaken tokoh penting ibas kemenangan bangsa Israel erperang
ras bangsa Kanaan; Sisera sekalak Puanglima tentara Jabin (Hak. 4:8-9). Ras reh
dekahna alu penampat Dibata, reh gegehna kalak Israel naluken Jabin
(Hak.4:23-24). Lit sada ende-enden kemenangen Debora, si rusur igelari Nyanyian Debora (Hak. 5). Tapi ula kita
lupa, amin gia Debora erdahin selaku Nabi ras Hakim i tengah-tengah bangsa
Israel, Debora pe sekalak ibu rumah
tangga.
2.
Arah cerita Debora enda, amin gia kaum Hawa identik dengan ibu rumah tangga, teridah maka kaum Hawa (diberu) ipake Dibata guna
nehken sura-suraNa, ipake Dibata guna hal-hal penting (militer, politik,
ekonomi, rsd) si sedekah enda kaum Adam lebih
berperan, bagepe kaum Hawa ipake
Dibata guna jadi pasu-pasu. Lalit pembatasan ibahan Dibata, labo saja kaum
Adam, tapi kaum Hawa pe ipake Dibata guna hal-hal si mehuli.
3.
Hari
Perempuan Internasional. Enda iperingeti ibas tanggal 8 Maret setiap tahun. Hari Perempuan
Internasional merupaken hari besar si irayakan i belang-belang doni guna
memperingati keberhasilan kaum diberu ibas bidang ekonomi, politik, sosial,
rsd.
4.
Arah bahan PJJ enda ras dalam rangka memperingati
Hari Perempuan Internasional, lit piga-piga hal penting si jadi semangat ras
kesangapen sekalak Diberu:
a. Dibata la
erndobahen ngidah dilaki ras diberu.
b. Diberu pe ipake
Dibata guna nehken sura-suraNa, hal-hal penting ibas erbage bidang, ras jadi
pasu-pasu.
Si enda teridah arah melala tokoh-tokoh diberu si ituriken ibas Pustaka Si
Badia. Hawa, Sarah, Ribka, Rahel. Miryam seh Debora. Hana nande Samuel, Naomi,
Rut, Ester. Padan Simbaru: Maria nande Yesus. Saksi pertama peristiwa Paskah
eme Maria Magdalena. Perberita Si Meriah: Persila, Lidia, rsd.
c. Dibata nepa diberu jadi “penolong/ penampat” (Heber:
ezer). “La mehuli
adi manusia nggeluh si sada. Kubahanlah teman si cocok man bana, guna nampati
ia...”
(Kej. 2:18-23). Kata ‘penampat’ enda me
kesangapen diberu.
d. Dibata pe mere
kengasupen man kerina diberu jadi
bagi ibas Kuan-kuanen 31:10-31.
Cl. Pdt. Chrisnov Mulyanta Tarigan Sibero
(0853-6233-4448)
GBKP Rg. Pancur Batu – Klasis Pancur Batu
