Bahan PJJ GBKP 24-30 Mei 2015 (Idemi Kesah Si Badia)

Ogen               : Galati 5:22-26

Tema              : “Idemi Kesah Si Badia”

Tujun             :

-          Gelah ngawan ni perpulungen meteh tanda-tanda kalak si idemi Kesah Si Badia

-          Gelah ngawan ni perpulungen ngasup ncidahken ulih Kesah Si Badia ibas kegeluhenna

Ibas Johanes 14 : “Kupindoken me man BapangKu gelah isuruhNa Penampat si deban man bandu e me Kesah si naksiken kebenaren kerna Dibata, gelah itemaniNa kam rasa lalap” (ay. 16). “Si nampati, e me Kesah Si Badia, si isuruh Bapa pagi i bas gelarKu, iajariNa kam kerna kai pe; dingen ipersingetiNa kam pagi kerna kerina si enggo Kukataken man bandu” (ay. 26).

Ibas kita dalani kegeluhen bas doni enda, statusta selaku anak-anak Dibata la tertutup kemungkinan lit godaan ras tantangan sirehna ibas doni enda nari. Bagepe ibas kegeluhenta e, megati biak-biak doni e lit denga ibas kita amin gia kita nggo ngaku ngaloken Jesus e jadi Dibata ras juruselamatta. Jelas, kalak si nggo ngaloken Jesus arus berbeda ras kalak si deban. Perbedaan e labo erbahanca maka kita menutup diri ntah pe menjauhkan diri ras kalak si deban ntah pe e dalanna maka kita pang menghakimi teman-temanta si mungkin erbahan kesalahan (bdk. Gal. 6:1), dungna kita i cap kalak SOMBONG ROHANI (istilah “sombong/ meganjang rukur” pe rusur ipake Rasul Paulus, termasuk ibas suratna man Timotius selaku anak didikna, bdk. 1 Tim 3:6; Rm. 11:20). Tapi perbedaan si maksud eme jadi “Sira ras Terang” (istilah si cukup populer bas kita).

Gelah ngasup kita jadi sira ras terang, jenda peranan Kesah Si Badia. Kalak si tuhu-tuhu ngaku ras ngaloken Jesus jadi Dibata ras Juruselamatna pasti idemi Kesah Si Badia (bdk. Joh. 14:16; 26). Kai alasenna maka kalak si enggo tek man Jesus pasti idemi Kesah Si Badia? Ibas Johanes 1:12 “…kalak si ngaloken Ia dingen tek man baNa; man kalak si bage iberekenNa hak jadi anak-anak Dibata” (anak-anak Dibata = sekerajangen Dibata) selanjutna Efesus 1:11-14 “…alu mereken Kesah Si Badia  si enggo ipadankenNa. Kesah e me jadi jaminen maka sialoken me kai si enggo ipadanken Dibata man anak-anakNa…”.  Selaku anak-anak Dibata, lanai kita si erkuasa atas dirita tapi Kesah Si Badia. Bagi nina Rasul Paulus ibas Galati 5:16-17, jenda jelas maka lanai perukurenta secara manusia si erkuasa, lanai sura-surata si erkuasa, ras jelas maka perukuren manusia (sura-sura) erlawanan, ermusuhen ras Kesah Si Badia. Engkai maka enda duana berlawanen, sebab memang, tanda-tanda perbahanen erpalasken sura-sura ukur manusia berbeda ras tanda-tanda kalak si idemi Kesah Sibadia. Enda banci bandingken kita ibas Galati 5:19-21 ras Galati 5:22-26. Tanda-tanda ulih Kesah Si Badia e me: (1) lit kekelengen; (2) lit keriahen; (3) lit kemalemen ate; (4) lit kesabaren; (5) mehuli; (6) setia; (7) meteruk ukur; (8) ngasup engkuasai diri. Kerna erti tanda-tanda (ciri-ciri) enggo cukup jelas bas kita kerina. Arah perbandingen enda, jelas maka maksud Paulus gelah kita banci mengevaluasi dirita sekalak-sekalak.

Satu-satunya cara gelah kita ngasup ncidahken ulih Kesah Si Badia enda, arah kinitekenta. Kalak erkiniteken, lanai ia sierkuasa bas geluhna tapi Jesus Kristus, Lanai aku si nggeluh, tapi Kristus kap si nggeluh i bas aku (Gal. 2:20a); perukurenna secara manusia enggo ibunuhna I kayu persilang rikut ras kerincuhen dagingna bage pe sura-surana. Erkiteken Kesah Si Badia me si mereken kegeluhen man banta, e maka lagu langkahta pe arus rikutken peraten Kesah e (Gal. 5:24-25).

chrisnov mulyanta tarigan sibero

GBKP Bumi Anggrek - Bekasi